ကျုပ်ကို …
တချို့က ပြောကြတယ် …..
မျက်နှာထား ခပ်တည်တည်နဲ့
မာနကြီး တစ်ခွဲသားနဲ့ကောင် … တဲ့ …။

ကျုပ်ကို …
တချို့က ပြောကြတယ် …..
ရွှတ်နောက်နောက် ပုံစံနဲ့
အတော် ရီရတဲ့ ကောင် … တဲ့ …။

ကျုပ်ကို …
တချို့က ပြောကြတယ် …..
ဘာဆို ဘာမှ မသိ၊ မတတ်တဲ့
ခပ်ချာချာ၊ ခပ်တုံးတုံး ကောင်ပဲ … တဲ့ …။




ကျုပ်ကို …
တချို့က ပြောကြတယ် …..
ဒီကောင်က
ခပ်အေးအေးလေး နေတတ်တယ် … တဲ့ …။

ကျုပ်ကို …
တချို့က ပြောကြတယ် …..
ဒီကောင်က ကြည့်တော့တာ
မခုတ်တတ်တဲ့ ကြောင်လိုပဲ
အမှန်က ကုပ်ကမြင်း … တဲ့ …။

ကျုပ်ကို …
တချို့က ပြောကြတယ် …..
ဟိုစပ်စပ်၊ ဒီစပ်စပ်နဲ့
ဘာကိုမှ ရေရေရာရာ
မနှံ့စပ်တဲ့ ခပ်ညံ့ညံ့ကောင်ပါ … တဲ့ …။

ကျုပ်ကို …
တချို့က ပြောကြတယ် …..
ဆံပင်က ဖြစ်သလိုထား
အဝတ်ကလည်း မသားနား
ဖိနပ် ၁၅၀၀ တန်များနဲ့
ဖွတ်ကျား … တဲ့ …။

ကျုပ်ကို …
တချို့က ပြောကြတယ် …..
ဒီကောင်က အလကားကောင် …
ဒီကောင်က အစုတ်ပလုတ်ကောင် …
ဒီကောင်က ငကြောင် …
ဒီကောင်က ယောင်တောင်တောင် … တဲ့ …။

ကျုပ်ကို …
တချို့က ပြောကြတယ် …..
အွန်လိုင်းပေါ်က ဖွန်ဘဲဂျီး …
အွန်လိုင်းပေါ်က ကိုလှိုင်းနီး …
အွန်လိုင်းပေါ်က ငဂေါက်တီး … တဲ့ …။

ကျုပ်ကို …
တချို့က ပြောကြတယ် …..
………………………
………………………………
……………………………………
……………………………………….
……………………………………………….. ။ ။ ။ ။ ။ ။

By – မဟာရာဇာ အံစာတုံး

+++++++++++++++++++++++++++++++