Slider Section

မောင်မိုးနှင့် သူတောင်းစားသားအဖ

တစ်နေ့သ၌ ရန်ကုန်မြို့ သင်္ဃန်းကျွန်းမြို့နယ် စံပြဈေးကြီးအနီး လူစည်ကားလှသော လူသွားစင်္ကြန်၏ တစ်ခုသောနေရာတွင် စုတ်ချာလှသော အဝတ်အစားတို့အား ဝတ်ဆင်ထားပြီး ဖွာလန်ကြဲနေသော ဆံပင်တို့ဖြင့် တန်ဆာဆင်အပ်သော သူတောင်းစားကြီးတစ်ဦးသည် ချေးအထပ်ထပ် ညစ်ပေကာ ပိန်ရှုံ့လျက်ရှိသော ဒန်ဖလားတစ်လုံးအား ရှေ့သို့ချ၍ မျက်နှာငယ်လေးဖြင့် တောင်းရမ်းနေလျက် ရှိသည်ကို တွေ့ရလေ၏။

၎င်း၏ အနီးတွင်လည်း ချိုင်းထောက်တစ်ခုအား ထောင်ထားသည်ကို တွေ့ရလေ၏။ အဆိုပါ ချိုင်းထောက်တွင် အဝတ်စများဖြင့် စည်းနှောင်ထားသော နေရာများစွာကို မြင်တွေ့ရလေ၏။ ယင်းအချက်ကို ထောက်ဆ၍ သူတောင်းစားကြီးသည် ချိုင်းထောက် အသစ်မဝယ်နိုင်သောကြောင့် ကျိုးနေသော နေရာများအား အဝတ်စများဖြင့်သာ ပတ်ချည်၍ အသုံးပြုနေရဟန် တူလေ၏။ သူတောင်းစားကြီး၏ အနီးတွင်လည်း ခပ်ချာချာ အဝတ်များအား ဝတ်ဆင်ထားသော အသက် (၁၀) နှစ်အရွယ် ကောင်လေးတစ်ယောက်ကိုလည်း တွေ့ရလေသည်။

"သနားကြပါ ခင်ဗျာ၊ ကျွန်တော့်သားလေး ထမင်းမစားရသေးလို့ ထမင်းဖိုးလေးများ သနားကြပါ ခင်ဗျာ"

ဟု သူတောင်းစားကြီးသည် လမ်းသွားလမ်းလာများအား မျက်နှာငယ်လေးဖြင့် ကြည့်ကာ တောင်းရမ်းလေ၏။ ၎င်း၏ သားလေးမှာလည်း -

"အကိုကြီး၊ အမကြီးတို့ရယ် … ထမင်းဖိုးလေးများ သနားကြပါ ခင်ဗျာ"

ဟု ခပ်ပျော့ပျော့ အသံလေးဖြင့် တစာစာ တောင်းရမ်းနေလေ၏။

အချို့သော လူများသည် သူတောင်းစားသားအဖတို့အား သနားသောအားဖြင့် မိမိတို့ အိတ်ထဲမှ ပိုက်ဆံအကြွေလေးများအား သူတောင်းစားကြီး၏ ရှေ့ရှိ ဒန်ဖလားစုတ်ကြီးထဲသို့ ထည့်သွားကြလေ၏။ အချို့သော လူများကမူ မိမိတို့ဇောနှင့်မို့ သူတောင်းစား သားအဖတို့အား သတိပင် မမှုမိကြပါပေ။

Labels:

အာဠာဝက မောင်ဗျာသ - ၁

ကျောင်းသားလေး မောင်ဗျာသ

တစ်နေ့သ၌ ကျေးတောရွာလေး တစ်ရွာ၏ အနောက်ဘက်တွင် တည်ရှိသော ပျဉ်ထောင် စာသင်ကျောင်းလေး အနီးရှိ စိန်ပန်းပင်ကြီး၏ အရိပ်အောက်တွင် လွယ်အိတ်လေးများအား ကိုယ်စီလွယ်ထားကြသည့် ကျောင်းသားလေး နှစ်ယောက်အား တွေ့ရလေ၏။ တစ်ယောက်သော ကျောင်းသားလေးမှာ ခေါင်းကို ပြောင်နေအောင် တုံးထားပြီး တစ်ယောက်သော ကျောင်းသားလေး မှာမူ မွေးတည်းကပင် ဆံပင် မညှပ်ခဲ့သည့်အလား လူနှင့်မလိုက်အောင်ပင် ၎င်း၏ ဆံပင်တို့မှာ ရှည်လျားနေသည်ကို တွေ့ရလေသည်။

ကျောင်းသားလေး နှစ်ယောက်၏ အနီးတွင် သာကူရောင်းသော အဒေါ်ကြီး တစ်ယောက်လည်း ရှိလေ၏။ ထိုအဒေါ်ကြီးသည် ထန်းလျက်ရည်များနှင့် ကျိုချက်ထားသော အတန်ငယ် ပူလောင်နေသည့် သာကူများအား စတီးပန်းကန်လုံးလေးများ အတွင်းသို့ ခပ်ထည့်ပြီးနောက် ဇွန်းကိုယ်စီတပ်ကာ ကျောင်းသားလေး နှစ်ယောက်အား ပေးလေ၏။ ထိုအခါ ဆံရှည်နှင့် ကလေးမှ ၎င်းအတွက် ပေးသော သာကူပန်းကန်အား လှမ်းယူလိုက်ပြီးနောက် မျက်နှာ ရွှဲ့လိုက်လေ၏။ ပြီးနောက် သာကူသည် အဒေါ်ကြီးအား -
“ဒေါ်အေးမေကြီး ကလည်းဗျာ။ သာကူ တစ်ကျပ်ဖိုးက နည်းတာပေါ့။ ကျုပ်ကို ထပ်ထည့်ပေးဦး”
ဟူ၍ အတွန့်တက်လေသည်။ ထိုအခါ သာကူသည် အဒေါ်ကြီးမှာ ဆံရှည်ကလေးအား “စားပြီးရင် အဆစ် ထပ်မတောင်းနဲ့တော့၊ မရတော့ဘူး” ဟုဆိုကာ သာကူ အနည်းငယ် ထပ်ထည့်ပေးလိုက်လေ၏။

Labels:

ကမ္ဘာ့ အန္တရာယ်အများဆုံး တိရစ္ဆာန် (၁၀) မျိုး

၁။ ခြင် (Mosquito)


ရိုးရိုး အမြင်အားဖြင့် ကြည့်မယ်ဆိုရင် ” ခြင် ဆိုတဲ့ အကောင်တွေက ဘာအန္တရာယ် ရှိလို့လဲ ..? ” ဆိုပြီး မေးခွန်း ထုတ်နိုင်ပါတယ်။ ဟုတ်ကဲ့ …။ ခြင်တွေက အရွယ်အစားအားဖြင့် လူတစ်ယောက်ရဲ့ လက်သည်းခွံလောက်တောင် မရှိပါဘူး။ လာကိုက်သလား …၊ ဖြတ်ခနဲ ရိုက်သတ်လိုက်ရုံပါပဲ။ ဒါပေမယ့် ခြင်ဆိုတဲ့ အကောင်တွေက တကယ့်ရောဂါပိုးတွေကို သယ်ဆောင် ထားကြပါတယ်။ ဒါကြောင့်ပဲ ကမ္ဘာ့ လူသတ်သမား အကြီးစားတွေ လို့တောင်မှ သတ်မှတ်ထားကြပါသေးတယ်။

ခြင်တွေ သယ်ဆောင်ထားတဲ့ ရောဂါပိုးတွေကတော့ အများသိကြတဲ့ အတိုင်း ငှက်ဖျား၊ ဆင်ခြေထောက်၊ West Nile Virus ဆိုတဲ့ ရောဂါပိုးတွေပါပဲ။ ဒီထဲမှာ အန္တရာယ် အကြီးဆုံးကတော့ ငှက်ဖျား ရောဂါပိုးပါပဲ။ ဒီရောဂါ ကူးစက်ခံနေရသူ အရေအတွက်ဟာ ကမ္ဘာ့လူဦးရေရဲ့ တစ်ဝက်ခန့် ရှိတယ်လို့ WHO မှာ ဖော်ပြထားပါတယ်။

ခြင်တွေကြောင့် သေဆုံးမှုနှုန်းဟာ တစ်နှစ်ကို ၂ သိန်းမှ ၃ သိန်းကြား ရှိတယ်လို့ သိရပါတယ်။

++++++++++++++++++++++++++++++++++

Labels:

သရဲကို ထိကိုင်မိခြင်း

ကျနော်တို့ ရွာမှာပေါ့ …။ ဦးထွန်းမြင့် ဆိုတဲ့ လူကြီး တစ်ယောက်ရှိတယ်။ ရွာရဲ့ ညနေခင်း အချိန်တိုင်းမှာ ဦးထွန်းမြင့်တို့ အိမ်ကို လာနေကျ လူတစ်ယောက်လည်း ရှိတယ်။ သူက ဦးနီ …။ ညနေဆိုရင် ဦးနီ က ဦးထွန်းမြင့်ရဲ့ အိမ်ကိုလာပြီး ရေနွေးသောက်ရင်း စကား စမြည် ပြောလေ့ ရှိပါတယ်။

ဦးနီ တစ်ယောက် နေထိုင် မကောင်းဖြစ်တဲ့ အချိန်မှာ ဦးထွန်းမြင့် တစ်ယောက်တည်း ဖြစ်နေပါတယ်။ အင်း .. မောင်နီ တစ်ယောက် နေမကောင်းလို့ များလား မသိပါဘူး … ဆိုပြီး ဦးထွန်းမြင့် မျှော်နေမိတာပေါ့။ အဲလို ဦးနီ နေမကောင်း ဖြစ်ပြီး တစ်ပတ် ကျော်ကျော်လောက် အကြာ တစ်ခုသော ညနေမှာပေါ့ …။ ဦးထွန်းမြင့် တစ်ယောက် အိမ်ရှေ့ ကွပ်ပစ်မှာ ရေနွေးကြမ်း ထိုင်သောက်နေတယ်။ ဒါနဲ့ ဦးထွန်းမြင့်က မျက်စိ အမြင် သိပ်မကောင်းပါဘူး။



Labels:

တောင်ပေါ်က တယောသံ

ထိုတောင်

ထိုတောင်သည် အမြင့်အားဖြင့် မနိမ့်လွန်း၊ မမြင့်လွန်းပေ။ ထိုတောင်ပေါ်၌ ထုံးဖြူဖြူ စေတီတစ်ဆူလည်း တည်ထားလေ၏။ သို့ရာတွင် ထိုတောင်ပေါ်သို့ တက်ရောက်၍ ဘုရား ဖူးမြော်သူမှာ နည်းပါး၏။ အဘယ်ကြောင့် ဆိုသော် ထိုတောင် ပတ်လည်တွင် ချုံပုတ်များ၊ ဆူးရှိသည့် အပင်များ များစွာ ပေါက်ရောက်နေသည့် အပြင် လူသွားလမ်း ဟူ၍ ကောင်းစွာ မရှိသောကြောင့်လည်း ဖြစ်ပေသည်။

ထိုတောင်၏ မြောက်အရပ် နှစ်မိုင်ခန့် အကွာတွင်မူ ရွာငယ်တစ်ရွာ ရှိလေသည်။ ထိုရွာငယ်၏ အမည်မှာ ရွက်လှရွာ ဟူ၍ တွင်လေ၏။ ထိုရွာမှ ရွာသူရွာသားများမှ ထိုတောင်အား ရန်အောင်တောင် ဟူ၍ ခေါ်တွင်ကြလေ၏။ ယင်းအမည်တွင်ရခြင်း အကြောင်းမှာလည်း ယခင်က ထိုတောင်ပတ်လည်တွင် တည်ရှိသော မြေပဲ၊ နှမ်းများ စိုက်ပျိုးသည့် ယာခင်းများမှာ ဦးရန်အောင် ဟူသော လူကြီးတစ်ဦးမှ ပိုင်ဆိုင်လေသောကြောင့် ထိုတောင်ကိုလည်း ဦးရန်အောင် တောင်ဟူ၍ နောက်ပြောင် ခေါ်ဝေါ်သည်မှစ၍ ရန်အောင်တောင် ဟူသောအမည်မှာ တွင်ခဲ့ခြင်းသာ ဖြစ်လေသည်။

ထိုတောင်ပေါ်တွင် တည်ထားသော ထုံးဖြူဖြူ စေတီလေးကိုလည်း တောင်၏ အမည်ကို အစွဲပြု၍ပင် ရန်အောင်စေတီ ဟူ၍ ခေါ်တွင်လေ၏။ ထိုစေတီလေးအား မည်သည့်အချိန်၊ မည်သည့်အခါ၌ မည်သူ တည်ထားခဲ့သည်ကို မည်သူမှ အတိအကျ မသိကြပေ။ ထိုစေတီနှင့် ထိုတောင်တွင် အစောင့်အရှောက်များ၊ ဥစ္စာစောင့်များ ရှိသည်ဟူ၍လည်း ထိုပတ်ဝန်းကျင်ရှိ ရွာများတွင် သတင်းကြီးလေ၏။ ယင်းအချက်သည်လည်း ထိုတောင်ပေါ်သို့ အသွားအရောက် နည်းခြင်း အကြောင်းအချက် တစ်ခု ဖြစ်၍ နေပေတော့၏။


Labels:

ကျွန်ုပ်နှင့် ရွှေဥ ဥသော ငှက်အကြောင်း

တစ်နေ့သ၌ ကျွန်ုပ် မောင်မင်း သည် ဆူညံလွန်းခြင်း၊ တိတ်ဆိတ်လွန်းခြင်း စသည့် အစွန်းနှစ်ပါး လွတ်ပြီး အတန်အသင့် လူသွားလူလာ ရှိသော လမ်းကလေး နံဘေး၌ ဖွင့်လှစ်ထားသည့် လက်ဖက်ရည်ဆိုင်ကလေး၌ ထိုင်ရင်း လက်ဖက်ရည် တစ်ခွက်အား ဇိမ်ခံ၍ သောက်နေလေ၏။ လက်ဖက်ရည် တစ်ဝက်ခန့် ကုန်သွားသောအခါ အသင့် ဆောင်ထားသော စီးကရက်ဘူးအတွင်းမှ စီးကရက်တစ်လိပ်အား ထုတ်ယူ၍ မီးညှိ ရှိုက်ဖွာကာ ဟိုတွေး ဒီငေးဖြင့် အားလပ်ခြင်း အရသာအား အပြည့်အဝ ယူနေမိလေတော့၏။

ထိုအခိုက်တွင် အသက်အားဖြင့် (၄၀) ဝန်းကျင်ခန့်ရှိသည့် မှုတ်ဆိတ်မွှေးများ ထူထပ်စွာ ပေါက်ရောက်လျက်ရှိသော လူကြီး တစ်ဦးသည် ကျွန်ုပ်ထိုင်လျက် ရှိသည့် လက်ဖက်ရည် ဆိုင်လေး အတွင်းသို့ ဝင်ရောက်လာခဲ့လေ၏။ ထိုလူကြီးသည် ဆိုင်အတွင်းသို့ အကဲခတ် ကြည့်ရှုလိုက်ပြီးနောက် ကျွန်ုပ် ထိုင်လျက် ရှိသော စားပွဲသို့ လာရောက် ထိုင်လေ၏။

ထိုအခါ ကျွန်ုပ်မှာ လူကြီးအား တစ်ချက် ကြည့်လိုက်ပြီးနောက် ဆိုင်အတွင်းမှ စားပွဲဝိုင်းများကိုလည်း လှည့်ပတ်ကြည့်ရှုမိလေ၏။ အဘယ်ကြောင့်ဆိုသော အခြားဝိုင်းများမှာ ထိုင်သူများ ရှိနေသည့် အတွက် မအားလပ်သောကြောင့် ထိုလူကြီး ကျွန်ုပ် စားပွဲသို့ လာရောက် ထိုင်ခြင်း ပေလော ဟူ၍ စူးစမ်းလိုသဖြင့် ကြည့်ရှုမိခြင်း ဖြစ်ပေသည်။ ယင်းသို့ ကျွန်ုပ် ကြည့်ရှုလိုက်သောအခါ အားလပ်လျက် ရှိသော စားပွဲဝိုင်း (၃) ဝိုင်းခန့် ရှိနေသည်ကို တွေ့လိုက်ရသည့်အတွက် ကျွန်ုပ်မှာ အတန်ငယ် ဒေါပွမိသွား၏။



Labels:

ဆိုရုံလေးပါပဲ …

ရွယ်ရည်စူး ထားခဲ့ဖူးသူမို့
ကြိုးစားပြီး မေ့ထားပေမယ့်လည်း
နေရာဟောင်းတွေဆီ ပြန်ရောက်သွားတိုင်း
ဟိုအရင်က အငွေ့အသက်တွေဟာ
ရင်ကိုလာပြီး ရိုက်ခတ်တယ် …

သူ လမ်းခွဲသွားခဲ့စဉ်က
ကမ္ဘာမှာ ယောက်ချာချာနဲ့
နေစရာရှာမရဘဲ အသက်ရှင်ခဲ့ရတယ် …

အချစ်ဦးမို့
ရူးလောက်အောင်ချစ်ခဲ့တာလည်း သူအသိ
ဒါပေမယ့်လည်း
အသည်းကိုတော့
တစ်စစီ ဖဲ့ခြွေသွားခဲ့တယ် …


Labels:

ချစ်သော စံပါယ်

သူ့ရနံ့က နှစ်သက်စဖွယ် …

သူ့စိတ်ရင်းက ဖြူစင်တယ် ….

သူ့ပွင့်ဖတ်က ယုယချင်စဖွယ် …

သူ့ကို နမ်းရှိုက်မိတော့တယ် …

အို .. ချစ်သော စံပါယ် ………………။

အရှေ့ အရပ်မှာ ကျင်လည်ကာ ကျက်စားနေတဲ့ နေမင်း၊ အနောက်အရက်ကို ပြောင်းရွှေ့ကာ နေရာယူတဲ့အခါ ချစ်သူနဲ့ တွေ့ဆုံခွင့် ရတတ်ပါတယ်။ အဲဒီအခါ ပြောမယ့် စကားတွေကို စဉ်းစားရင်းနဲ့ တစ်ခါတစ်ခါ ထမင်းစားဖို့တောင်မှ မေ့နေတတ်ခဲ့တယ်။ တစ်နေ့လုံးမှာလည်း အပျော်တွေက ပင့်မြှောက်ကာထားလို့ လူတစ်ကိုယ်လုံးလည်း မြောက်တက်နေသလားပါပဲ …။

ပန်းပွင့်လေးတို့ရဲ့ တဖြည်းဖြည်းနဲ့ ပွင့်ဖတ်တွေ ဖွင့်ဟ၊ အလှတွေ ရုပ်လုံးကြွလာပုံကို စောင့်မျှော်ကာ မကြည့်ခဲ့ဖူးပါဘူး။ အေးမြခြင်း သရုပ်ပြ လမင်းရဲ့ ဇာတ်ထုပ်အကကိုလည်း တခုတ်တရ စောင့်မျှော်ကာ အားမပေးဖြစ်ခဲ့ပါဘူး။ ဒါပေမယ့်လို့လည်း စံပါယ်ဆိုသူ ချစ်သူလာမယ့်လမ်း မရောက်ခင် ကတည်းက ကြိုတင်မှန်းလို့ လှမ်းခဲ့မိသူရယ်ပါ။ ဒီလိုပြောတော့ စံပါယ်က ပြုံးတယ်။ “ကို က စကားတတ်တယ်” … တဲ့။ နားဝင်ချိုရုံသက်သက် လုပ်ဇာတ်ခင်းတာ မဟုတ်ပါဘူး ချစ်စံပါယ်။ ရင်တစ်ခုလုံးကို စုံကန်ပြီးမှ ထွက်လာခဲ့တဲ့ စကားတွေရယ်ပါ။ ဒီအခါ စံပါယ်က ဖွဖွလေးပြုံးလို့ ခွန်းတုံ့ဟတယ်။ “ကို တကယ်ချစ်တာ စံပါယ် သိပါတယ် ကိုရယ်” … တဲ့။



Labels:

ည ….. သည်

ည ….. သည်
မှောင်နေ၏ …..။


ည ….. သည်
တိတ်ဆိတ်နေ၏ …..။

ည ….. သည်
အိပ်စက်သူတို့၏
နှစ်သက်ရာလည်း ဖြစ်၏ …..။

ည ….. သည်
တိုးတိုးတိတ်တိတ် အသံတို့
ကြီးစိုးရာလည်း ဖြစ်၏ …..။

ည ….. သည်
အိပ်မက် အများအပြား
ပေါက်ဖွားရာလည်း ဖြစ်နေ၏ …..။


Labels:

“နေ့မှာ ယင်၊ ညမှာ ခြင်”

ကျနော်ဟာ အညာသားတစ်ယောက်ပါ။

ရွာမှာ ကျောင်းတက်နေရင်း လေးတန်းအောင်တော့ ရန်ကုန်က အဒေါ်ရဲ့ အိမ်မှာ နေပြီး ကျောင်းတက်ဖို့အတွက် အဖေတို့ အမေတို့နဲ့ ခွဲခွာပြီး ရန်ကုန်ဆိုတဲ့ မြို့ကြီးဆီကို ပြောင်းလာခဲ့ရတယ်။ အဒေါ်က အဝေးပြေး ခရီးစဉ်အတွင်းမှာ ပြောခဲ့တယ်။ “ဟိုရောက်ရင် ကက နဲ့ လာကြိုမှာ … တဲ့” ။ ဘာတုန်း “ကက” ဆိုတာ …..? ကျနော် အသက်က ငယ်ငယ်၊ “ကက” ဆိုတာလည်း ဘာကြီးမှန်း မသိခဲ့ပါတယ်။ “ကက” ဆိုတာ ဂျိုကြီးနဲ့များလားကွယ်။

သြော် …. “ကက” ဆိုတာ ကားငယ်ငယ်လေးပဲ။ အဖြူရောင် Taxi လေးကို မြင်လိုက်တော့ စိတ်ထဲမှာ အဲဒီလို တွေးမိလိုက်ပါတယ်။ စီးရတယ် မိုက်တယ်ဟ။ ရွာက ကားနဲ့များကွာပါ့။ ရွာက ကားစီးရင် ကျောက်ခဲငုံသွားရင်တောင် အစာကြေလောက်တယ်။ ခုန်လွန်းလို့။ ဒါဟာ ရန်ကုန်ရဲ့ မြေပေါ် ခြေချတဲ့အခိုက်မှာ ပထမဆုံး ရင်းနှီးခွင့်ရခဲ့တဲ့ စကားဟာ အဲဒီ “ကက” ပဲ ဖြစ်ခဲ့ပါတယ်။


Labels: